Алматы
CarreraYCarrera
2024 жылдың 2 қазаны күні Ташкентте қазақстандық кәсіпкер, меценат және Constella негізін қалаушы Жанна Кан бастамасымен Орталық Азияның Бірінші әйелдер форумы «Be Woman» өтті. Форум бір реттік іс-шара болып қоймай, Орталық Азия әйелдерін біріктіретін және өңірдегі әлеуметтік маңызы бар жобаларды дамытатын үлкен экожүйені құруға алғашқы қадам болды.
«Be Woman» арқылы бизнеске ғана емес, әйелдер көшбасшылығын қолдауға, әлеуметтік бастамалар мен креативті индустрияларға да баса назар аударатын платформа ретінде Constella философиясы ұсынылды. Форумда 8 елден келген 35-ке жуық спикер - министрлердің кеңесшілері мен топ-менеджерлерден бастап, кәсіпкерлер мен әлеуметтік жобалардың авторларына дейін сөз сөйледі. Олар өңір әйелдерін алаңдататын негізгі тақырыптарды талқылады: білім беру, цифрлық технологиялар, әйелдер кәсіпкерлігі және әлеуметтік өзгерістер.
Жанна Кан Constella жай ғана зергерлік бренд емес, әйелдердің жеке және кәсіби өсуі үшін жағдай жасайтын қауымдастық екенін атап өтті. «Be Woman» қазірдің өзінде тәжірибе мен шабыт алмасу алаңына айналды, ал болашақта бүкіл өңір бойынша әйелдер бастамаларын және жобаларды қолдайтын тұрақты экожүйеге айналатын болады.
Ташкенттегі форум ауқымды қозғалыстың бастауы болды және жақын арада «Be Woman» Орталық Азияның әйелдерін біріктіріп, ынтымақтастық пен дамудың жаңа мүмкіндіктерін аша отырып, Қазақстан мен Қырғызстанда жұмысын жалғастырады.
Constella бастамалары мен форум жаңалықтарын ресми сайттан және әлеуметтік желілерден бақылаңыз: bewoman.asia.
